Seisoh ka jingpynkha khunlung ka Bethany Hospital lyngba ka ICSI

Syllad | The Rising MeghalayaApril 25, 2024

Ka Bethany Hospital, Shillong ka la pynpaw ia ka jingkmen kaba khraw hadien ba ka jingpynkha khunlung lyngba ka Intra Cytoplasmic Sperm Injection (ICSI) ha ka sien kaba nyngkong eh ha ka Jylla ka la long kaba seisoh hapoh ka Centre for Reproductive Medicine jong ka.

La pynlong ia kane ka Assisted Reproductive Technology lyngba ka ICSI na ka bynta ki shi kurim ki bym ioh khun mynta la kumba 10 snem kynthih. Hynrei wat hapdeng ka jingeh kaba khraw, pynban kane ka jaka aijingsumar ka la lah ban pynurlong ia kane ka kam lyngba ki lad jingsumar jong kane ka juk stad kaba mynta. 

Lyngba u kyrwoh la pynpaw ruh ba ia ki lad jingsumar ovarian stimulation, oocyte (egg) bad ka ICSI, bad kiwei pat ki jingsumar myna la lah ban leh hapoh Bethany Hospital, Shillong.

Kane ka lad aijingsumar ICSI ka dei ka jingshem kaba la sdang ha u snem 1992 ban ïarap ïa ki shijur kiba duna symbai pynkha khun. Ia kane ka lad jingsumar la leh lyngba ka jingpyrshang jong ka Bethany Hospital kaba la iarap ïa kane ka kam.

Ka jingpynkha khunlung lyngba kane ka lynti ka dei kaba la pyniakhleh lang ia ka pylleng ka kynthei bad ka jor bad lada iadei ka mut ka seisoh bad lah ban pun khun.

Kane ka kynhun kaba don bynta ban pynurlong ia kane ka bynta ban pynkha khunlung lyngba ka ICSI ka kynthu ia Dr. Batiston D. Waanbah (Infertility Specialist), Dr. Wanda B. Makdoh (Anaesthesiologist), K. Aniesha Blah (Embryologist), Stephen V (Embryologist), Staff nurse H. Rana, Staff nurse Darisuk Lyngdoh bad Assistant Riwanki Lyngdoh.

Kiba la iashim bynta ha kaba iadei bad ka jingpynkha bad sumar ki kynthup ia ka Dr. Clarinda E Khongwar (Obstetrician), Dr. Rida P Nongrum (Obstetrician), Dr. Rebecca Fanai (Anaesthesiologist) ha ryngkat ka jingïarap lang Dr. Uma Ghosh (Paediatrician)