Sha ki nongkyndong ai jinghikai pyrshah COVID-19 ka SURE

Syllad | The Rising MeghalayaJuly 20, 2020

Ka North East Slow Food Association NESFAS ha ryngkat ka jingïatreilang bad ka Society for Urban and Rural Empowerment SURE bad kiwei pat ki seng trei mon sngewbha ki trei ha kawei ka projek kaba la tip kum ka ‘No one shall be left behind’. Kane ka projek kaba la kyrshan da ka Rural Electrification Corporation ka kynthup ïa kiba bun ki mattreikam bad kumjuh ïa ka Water Sanitation and Hygiene WASH and 1000 days campaign. Ha kaba nyngkong haba ki Community Facilitators ha ki 28 tylli ki shnong kiba kane ka projek ka treikam ki leit ban hikai shaphag ka jingdonkam jong ka jinglehkhuid bad khamtam ïaki rukom sait kti, ki briew kim patiaw satia ïa kata ka jinghikai.

Pasqualina Lamare kaba long ka Project Coordinator ka ïathuh ba ki hap ban thaw da ki jingrwai khynnah ban hikai khamtam ïaki khynnah skul ba kin pynmyllien ban saitkti man ka por. Kala ong ruh ba haba ka khlam corona kala jia ka NESFAS ryngkat bad ki seng kiba ïatreilang ki hap ban kylla ka rukom treikam jong ki naka daw ba ki shnong kila pyrkhing ïaka rung ka mih sha ki shnong. La thung ïaki samla kynthei bad shynrang na kine hi ki shnong kum ki Community Facilitator ban ïarap pynïaid shakhmat ïa kane ka kam.

Ka Somja Phawa kaba long ka Field Coordinator kala ïathuh ba naduh ka snem 2018 bad kumjuh baroh u snem 2019 la ai jinghikai ïaki shnong shaphang ka WASH bad ki rukam saitkti, hynrei dei tang ynda la jia ka khlam COVID-19 ba ki briew ki sa sdang ban shimkhia ïa kaba la hikai ïaki. Ka ïathuh ruh ba mynta man ba ki CF ki leit ki dkhot jong ki shnong ki kynmaw ïa kaba la hikai ïaki ha ki shisnem shiteng kiba la dep. Ka WASH bad ka rukom saitkti bala hikai ïaki ka kit jingmut tad ynda la jia ka khlam khniang corona.

Ka Daka Bareh kawei pat ka Field Coordinator ka ïathuh ba ki shnong kiba ka seng ka treikam ban ïaleh pyrshah ïaka khlam COVID-19 ki dei ka Mukhap, Mynso both A and B, Mulum, Iooksi, Mukhap, bad Musiaw kiba don haoh ka Laskein Development block. Ka Ksehrynchang, Nongrimbamthong, Nongkhroh, Tyrchang, bad Mookjat kiba hap hapoh ka Thadlaskein development block. Ka Mupyut, Skhenpyrsit, Nongtalang Mission, Amkhloo, Ammutong, Thangbuli, Umsalang, Nongbareh, Pynthor Langtein, Muphlang, Mustem, Samanong bad Moosakhia hapoh Amlarem civil sub division, bad ka Cham cham ha East Jaintia Hills.

Ka jinghikai da kaba pyni nuksa kumno ban sait kti ka dei kawei na ki jinghikai kaba la hikai ha kine ki 26 tylli ki shnong la ong ka Coriniki Slong. Haman ki jingleit rung sha ki ïngbriew ki CF ki hikai ruh ïa ki paidbah shaphang ka jingdonkam ban ïa jngai iwei na iwei pat bad kumjuh ruh la pyndonkam ïaki SHG bad ki PGS ba kin shna jingtapkhmuh tapktien ïa kiba la sam pat sha ki paidbah. U H.H.Mohrmen uba long u khlieh jong ka SURE ula ong ka khlam COVID-19 kala pynbor ïaki paidbah ban leh khuid bad ban saitkti man ka por.