Sha u DC ujor ka HYC halor ka jingpyntuid jakhlia ki kharkhana sha Wah Umiurem bad Myntdu

Syllad | The Rising MeghalayaApril 17, 2021

Ka Hynniewtrep Youth Council (HYC), Jaintia Hills District Unit kala ujor sha u Deputy Commissioner, West Jaintia Hills bad kynnoh iaki kharkhana shna kali bad ki kharkhana fabrication ba ki pyntuid jakhlia ha Wah Myntdu bad Wah Umiurem.

Ka HYC kala kynnoh ba kane ka jingpyntuid jakhlia ki kharkhana ka jur bha ha Ladthadlaboh, Phramer bad kine ki jakhlia ki tuid sha kitei ki ar tylli ki wah.

Ka HYC ha ka dorkhat kaba la ai sha u DC lyngba u Environment Secretary Apdame Papiah kila kynnoh ba ki paidbah kila ud kila nam halor ka jingjakhlia ki umbam umdih na ka jingtuid ki jakhlia jong kitei ki kharkhana sha kine ki ar tylli ki wah.

Ka HYC kala pynpaw ba ka sngewkhia halor kane jingpyntuid jakhlia sha kine ki ar tylli ki wah bad kyntu ia u DC ban shimkhia ban tuklar ban khanglad iaka jingpynjakhlia ia ki um ki wah. Kala kyntu ruh iaki kharkhana ban tih iaki thliew ban pynlang iaki jakhlia bad ban nym pyntuid sha ki wah ban iada iaki wah.