Sha u Myntri Sorkar Pdeng pynher jingthoh FKJGP ban pyrshah iaka EC ka Star Cement

Syllad | The Rising MeghalayaJune 29, 2021

Ka Federation of Khasi Jaintia & Garo People(FKJGP) East Jaintia Hills District kala pynher da ka jingthoh sha u Prakash Javadekar, Union Minister of Forest, Environment and Climate Change ban pyrshah iaka jingioh Environment Clearance ka Star Cement.

Ha u kyrwoh bala phah u DH Sumer General Secretary FKJGP, East Jaintia Hills ula ong ba haba ïadei bad jingioh Environmental Clearance ka Star Cement ban khlong mawshun haka jaka kaba heh 42.051 hectares ha Brichyrnot kan buh jingma iaka khlaw Narpuh Wildlife Sanctuary namar ba ka jan bha bad ka jaka tih mawshun.

Ula ong ba kila kyrpad ia utei u Myntri Sorkar Pdeng ban tuklar bad ban pyndam ia kane ka clearance sha ka Star Cement ban lait shah ktah ka mariang bad u paidbah jong ki 15 tylli ki shnong ka thain.

Ka FKJGP kala ong ba kane ka jaka kan ktah ruh ïaki lai tylli ki wah kum ka wah Um Lunar, wah Umso Nallah bad ka wah Lukha nalor ka sawdong sawkun ka mariang ha kane ka jaka.