Shah ban ka trok, sah kut bun tylli ki kali haka jingtwa khyndew ha Sonapur bad Kuliang ha surok bah NH-6

Syllad | The Rising MeghalayaAugust 6, 2024

Ka jingbteng u slap ban ther ha East Jaintia Hills District kala wanrah ka jingtwa khyndew ha kiba bun ki jaka ha surok bah National Highway 6 kaba la wanrah ka jingsahkut kali kaba shyrkhei.

Ha kane ka jingjia twa khyndew haka step 6 tarik Nailar, kawei ka trok kaba sniew kaba ieng hajan ka madir ha Sonapur kala shah ban ha ka jingtwa maw twa khyndew bad kane ka kali kala julor phom.

Ha kane ka jingjia u nongniah kane ka kali ula lait thaw na ka jingjia kaba sngewsih.

Katba ka jingjia twa khyndew ha Kuliang, kaba la bteng biang hynne ka step bad kala wanrah ka jingsahkut bun tylli ki kali ha ka ktieh bad ki maw kiba tuid na u lum ha katei ka jaka.

Ha kane ka jingjia kam don satia kano kano ka jingjia kaba sngewsih.