Shah bat 61 tylli ki trok dewiong ba suba pyndonkam Challan tuh ha Tamabil

Syllad | The Rising MeghalayaOctober 19, 2019

TAMABIL: Haduh 61 tylli ki trok kiba suba pyndonkam da ki Challan tuh kila shah bat haka tnad DMR ha Tamabil haka sngi Saitjaiñ. Ki nongkhaïi bar ri kila kynnoh kane ka jingmih ki Challan tuh kala pynsniew ïaka iew khaii dewiong.

Kila pynpaw ruh ka jinglyngngoh ba ka DMR kam shym la pynshitom ïaki nongniah trok kumjuh ki trai dewiong.

Ka jinghiar ki trok dewiong sha Bangladesh kala sdang ha kine ki khyndiat sngi bad da ki spah spah tylli kila ïoh ban rung sha Bangladesh, hynrei hadien ka jingshah bat kitei ki 61 tylli ki trok bun ngut ki nongkhaii bar ri kiba dei ki trai ri trai muluk kila kyndit.

Kiba bun ki nongkhaii dewiong kila pyrshah jur ïa kane ka jingpynïaid iew iaki Challan tuh bad kila dawa na ka tnad DMR ban pynshitom ïa ki briew kiba donkti.