Shah bat haduh 408 tylli ki kali tah iit iong ha ka nongbah Shillong

Syllad | The Rising MeghalayaAugust 8, 2024

Ki bor pulit na ka tnad Shillong Traffic Police (STP) ki la ioh ban bat noh haduh 408 tylli ki kali kiba tah iit iong na ki bynta jong ka Nongbah Shillong na ka jingkhynra kaba la sdang naduh ka 14 tarik u bnai Naitung ba la dep haduh ka 1 tarik Nailar 2024.

Na ka liang u Superintendent of Police (SP) East Khasi Hills, ula pyntip ba ia kine ki kali la bat namar kila pynkhein ia ki kyndon ain   jong ka MV Act.

“La kyrpad ia baroh ki nongniah kali ba kin kiar na kaba tah iit iong ia ki kali namar kane ka pynkhein ia ka jingbthah ba la pynmih da ka iingbishar Supreme Court jong ka Ri India lyngba ka hukum WP (C) No. 265 2011” ong une u heh pulit.

Ha kajuh ka por u la maham ban leh da kaba tyngeh pyrshah ia kiba pynkhein kyndon katkum ka ain.