Shah ber bih ka top um dih u nongkhaïi bar ri

Syllad | The Rising MeghalayaJune 19, 2020

U Ma Lop Pohtam, uwei na ki nongkhaii bad nongshalan mawshun ba paw ka thain War Jaintia ula mudui da ka jingujor ejahar hakhmat ki pulit jong ka Amlarem Police Station ba shah ber bih ka um bam um dih jong u.

U Lop Pohtam uba long ruh u president jong ka Core Committee jong ka War-Jaiñtia Limestone and Boulder Stone Exporter and Miner Association (WJLBEMA), katkum ka jingujor kaba ula ujor ba kane ka jingjia kala jia haka miet 16 tarik ha ki runar kiba ym lah satia ban ithuh.

La ong ba ki runar kila ber da ka bih haka top syntex kaba u buh um bam um dih haka iing sah jong u ha Amlarem.

Halor kane ki pulit kila register iaka case bad kila pynlong ka jingtohkit bad thwet ruh iaki runar ba suba donkti ban leh kane ka kam sniew