Shah bom shnong ka kynhun ki nonglute trok ha ka Quinine, Ri Bhoi

Syllad | The Rising MeghalayaSeptember 12, 2024

Ka kynhun jong kumba sawngut ki nonglute ki la ngat ha ka jingshah bom shnong ha u paidbhur hadien ka jingpyrshang lute ia kawei ka trok ha ka shnong Quinine, Ri Bhoi District ha ka miet jong ka 11 tarik Nailur.

Katkum ki jingtip la iathuh ba kane ka kynhun ki nonglute ki la leit ban rung jubor hapoh kawei k trok kaba dang ieng na ka bynta ban shet jingshet hajan ki dukan wine shop ha ka shnong Umnget ha kaba ki la thombor ia u nongniah uba don marwei hynrei uba la ioh ban phet krad bad pan jingiarap na ki nongshong dukan kiba la beh thong ia kitei ki runar kiba la pyndonkam da kawei ka kali auto rickshaw.

Namar ka khubor kaba la saphriang sted bha, la ong ba ki paidbhur ki la ioh ban bat noh ia kane ka auto ha kawei ka jaka hajan ka shnong Quinine bad mar ia ioh kem ia kitei ki sawngut ki la bom bad tied naphang ha ban da jem jai tad haduh ba la wan poi ki nongialam shnong kiba la pyntip abd aiti noh sha ki pulit ka Nongpoh Police Station ban leh ia kaba donkam.

Ki bor pulit ka Nongpoh Police Station mynta ki dang pynlong ia ka jingtohkit halor kane ka jingjia bad halor kane ka jingthmu ban lute na utei u nongñiah trok.