Shah btep im saw ngut na ka juh ka iing ba twa khyndew ha West Jaintia Hills

Syllad | The Rising MeghalayaOctober 8, 2023

Saw ngut na ka juh ka iing kila shah btep im haka khyndew kaba twa na ka daw ka jingwan ther jur u slap ha West Jaintia Hills District haka step Sngi U Blei.

Kane ka jingjia kala jia haka shnong Pynthorlangtein, ka shnong kaba jngai kumba 15 Km na sor Jowai, ka district headquarter kaba don haka surok bah NH 206 ne ka surok Dawki Amlarem Jowai.

Ka ne ka jingtwa khyndew kala jia ha ka por ba kine ki shi ïing shisem ki dang ioh thiah lyngngai bad la antad ba kane ka jingjia kala jia shuwa ka 5 baje mynstep.

Kine kiba shah btep im ki kynthup ia u kpa ka iing u (L) Biangki Phawa 31 snem ka rta, ka kmie ka iing ka Pynjanai Ryngkhlem 25 snem ka rta bad ar ngut ki khun (L) Edify Ryngkhlem 6 snem ka rta bad ka Wiladaroi Ryngkhlem ba dang 3 snem ka rta.

Ki para shnong kiba iohi ia kane ka jingjia mar mar kila pyrshang ban ai jingiarap ban pyllait im iaki ha ka por kumba 5:30 AM bad pyntip artad sha ki pulit jong ka Jowai Polcie Station, hynrei ka khyndew kaba twa kaba la ioh ban rung shapoh ka iing kala wanrah ia kane ka jingjia kaba sngewsih.

Ki pulit kiala shimti iaia met jong kine ki saw ngut ban pyndep iaka jingdonkam ka aiñ.