Shah dung u Solomon dkhot ka HITO ha ki ar ngut ki briew na Mukhla

Syllad | The Rising MeghalayaMarch 10, 2023

Uwei u dkhot jong ka dkhot Hynñiewtrep Integrated Territorial Organization (HITO) uba kyrteng u Solomon Rymbai ula shah dung ha ki ar ngut ki briew kiba naka shnong Lad Mukhla, West Jaintia Hills.

U Hymmen jong u Solomon, u Pynbiang Rymbai ula mudui da ka ejahar pyrshah iaki ar ngut ki briew na Lad Mukhla ha khmat ki pulit jong ka Ummulong Police Beat House. Kine ki ar ngut kiba shah mudui ejahar ki dei u Damut Bang bad u Palmon Sari kiba naka shnong Lad Mukhla, West Jaintia Hills District.

U Pynbiang ula kynnoh ba kine ki ar ngut haka 9 tarik Lber 2023 haka por 7:30 da ka jinthmu sniew ia u para jong u, u Solomon kila dung ia u ha ka bynta ka kpoh haka shnong Mukhla Shohshrieh. Ula ong ba para jong u, ula shitom jur bad u don haka jingbym tip briew mynta bad u don haka jingshah sumar ha Dr. Norman Tunnel Hospital, Jowai.

Katkum ka ejahar kaba u Pynbiang ula mudui ejahar, kine ki ar ngut u Damut bad Palmon kila maham ia u Solomon naka por sha ka por.

Halor kane ka jingjia ka HITO kala pynrem jur ia kine ki ar ngut kiba thmu ban shim iaka jingim u ne u para dkhot bad dawa naka bor jong ka ain ban kem bad ban pynshitom kine ki briew

Halor kane ka jingjia ka HITO kala pynrem jur ia kine ki ar ngut kiba thmu ban shim iaka jingim u Solomon bad dawa naka bor jong ka ain ban kem bad ban pynshitom kine ki ar ngut katkum ki kyndon jong ka aiñ.