Shah jied 6 ngut sha ka Khelo India State Centre

Syllad | The Rising MeghalayaAugust 15, 2023

Hynriew ngut ki khynnah ialehkai athlete kynthup ia ar ngut ki kynthei na West Jaintia Hills District kila shah jied ban shah hikai pyntbit haka Khelo India State Centre.

Kine ki hynriew ki dei u Teilang Phawa, Khrooboklang Lyngdoh, Ram Shylla, ka Wailuti Lyngdoh, ka Himonki Khaii bad u Damang-i Lyngdoh. Kiba bun na kine ki nongialehkai ki dei kiba ioh khur takma dangshen na ka CM’s State Level Inter School Athletic Meet 2023.

Kine ki nongialehkai athlete ki hap ban pyndep iaka final assessment camp ka jong ki kaban long haka 19 bad 20 tarik Nailar ha SAI STC Shillong.

Kine ki khynnah kin hap ruh hap ban pyndep sa iaka Sports Specific Test bad ka Motor Ability Test haka 19 tarik Nailar bad ka Live Testing Edge 10 haka 20 tarik Nailar.