Shah jied ka Riiohlang Dhar ban pyniaid iaka SAFF U-19 Women’s Championship ha Bangladesh

Syllad | The Rising MeghalayaJanuary 31, 2024

Ka kong Riiohlang Dhar ba shong ba sah ha Mawlai Mawiong bad kaba trei kum ka Constable jong ka 1st MLP Bn, kaba dei artad kawei na ki referee Phutbol na kane ka jylla ka la shah jied ba kan leit ha kaban ia don bynta ban pyniaid lem ia ka lympung ialehkai jong ka SAFF U-19 SAFF U-19 Women’s Championship kaban sdang naduh ka 2 haduh ka 9 tarik u bnai Rymphang u ban wan ha nongbah Dhaka, Bangladesh.

Haba phai sha ka jingleit ban pyniaid lem ia kane ka lympung ka kong Ri-ioh ka pynpaw ba ka la long kaba la pynkhreh namar ba kum ka refeee ka juh pyntbit bha ialade baroh shi snem namar ba ha kane ka kam referee ka sngewthuh ba kam lah lypa ban tip lano ka AIFF, ka AFC kin khot ia ki referee ba tbit bad ba kynsai ban pyniaid ia kino kino ki lympung ba ki juh pynlong.

Hadien kane ka lympung ialehkai ha Bangladesh, ka kong Ri-ioh ka pyntip ruh ba hadien jong kane kam pat nang pat ban ong la kan dang ioh lad ne em ban leit pyniaid ia ki lympung ialehkai, namar ba kan hap ba kan leit ban iakhun ia kawei ka course kaban long hapoh Malaysia mynta hi u bnai bad nangne kin sa jied pat ia ki referee ban leit ha kaban pyniaid ia ki wat ialehkai kiba khatduh jong ki lympung ialehkai ka AFC kum ka U-17 bad U-20.