Shah jied ka samla na Jaintia Hills haka Her & Now Cohort 2.0

Syllad | The Rising MeghalayaAugust 17, 2020

Ka Deutsche Gesellschaft für Internationale Zusammenarbeit (GIZ) GmbH kaba pyniaid iaka project ‘Economic Empowerment of Women Entrepreneurs and Start-ups by Women’ naka bynta ka German Federal Ministry for Economic Cooperation and Development (BMZ) kaba iatreilang bad ka Indian Ministry of Skill Development and Entrepreneurship (MoSDE), ban kyrshan iaki kynthei kiba angnud bad seng kam lajong bad kiba la trei lypa ban ieng hala ki jong ki kjat hari India.

La ai kyrteng ia kane ka projek ka ‘Her&Now’, kaba dei ka projek ban plie lad bad ban ai mynsiem iaki kynthei kiba trei bad kyrshan dalade ha kino kino ki kam hapoh ka ri India. Kane ka dei ka projek kaba saw snem kaba la sdeng naduh u snem 2018 ha India ha ki bynta bapher bapher.

Ha India ka Deutsche Gesellschaft für Internationale Zusammenarbeit (GIZ) GmbH ka don ka lyngkha treikam ha North Eastern Region, Rajasthan bad Telangana.

Katkum ka website jong ka “Her&Now” la pynpaw ba ka kyrshan haduh 147 ngut ki kynthei kiba seng kam lajong. Ngi kyrshan ia kine ki kynthei da ki buit treikam ba har rukom bad iarap iaki ban plie lad plie lynti ban kin ioh ka rynsan ban pyniaid iew iaki mar kiba ki pynmih ba iarap ban pynioh lad jingiarap pisa na ki nongbei pisa. Ngi iarap iaki kynthei kiba sengkam lajong ba kin don ka jingsngewkhem ban kin nang lah ban pynbha iaka kam.

Kane ka company bad ka MoSDE kila shna iaka rukom treikam ban ai jinghikai bad kyrshna iaki kynthei da ki phlim bad ki ki campaign halor u synniang u bynhei ki kynthei hapoh ka ri. La ring dur ruh iaki kynthei kiba jop ha jingtreikam lajong bad ban ai mynsiem ia ki samla kynthei kiba ieng hala ki jong ki kjat.

Ka smala Neha Nialang, kaba la shah jied haka ‘Her&Now’ kaba sdang iaka “Dalade” na West Jaintia Hills kaba shna iaki har rukom ki jingbam bad kiwei kiwei kaba angnud dik dik ban ioh jinghikai na kane ka prorkam.

“Nga kwah ban long ka nuksa ia kiwei ki kynthei bad kane ka lad kan dei ka kabu ba ki iakhun bad pynbha iaka rukom treikam bad kiwei kiwei ki ri haka pyrthei. Ka pyrthei kala nang nangrit namar ka juk internet bad kam don jngeh ia ngi ban trei kano kano ka kam bad ka donkam tang ka jinglong shlur ban jop bad ban poi haka thong,” ong ka Neha Nialang.

Kane ka programme kan ai ka jaka trei ne ban pyntbit ialade iaki kynthei kiba ieng halla ki jong ki kjat naka bynta 7 bnai iaki samla kiba shah jied na ki sorbah bad ki sor haka thup tier II and III ha North Eastern Region, Rajasthan bad Telangana ia kino kino kiba angnud ban seng kam lajong.

Kane ka programme kan ai ka jinghikai bad ki buit bapher bapher ban pynbit ialade ban sngewskhem ban ieng hala ki jong ki kjat.