Shah jied saw ngut ki ‘thei ïalehkai Kriket ka Jylla ban lehkai sha UAE

Syllad | The Rising MeghalayaDecember 15, 2020

Saw ngut ki thei ialehkai Kriket jong ka Jylla ki la shah jied ban mihkhmat ia kawei ka kynhun ialehkai ba la tip kyrteng kum ka Pathbreakers ka ban long ha United Arab Emirates ne UAE.

Kine ki saw ngut ki thei ïalehkai ki kynthup ia ka Daiaka Emigale Warjri, Debasmita Dutta, Neha Hajong bad Deiphibapynshngain L Mawnai ryngkat bad ki katto katne ngut ki thei ialehkai ba la paw ka ri.

Ïa kane ka kynhun yn ialam bad Coach da ka Saranya RS kaba dei kawei na ki thei ialehkai barim ka Kerela bad Karnataka bad ban pyntbit artad ialade kum National Cricket Academy Coach tad haduh ba ka la long teng ka Coach jong ki kynhun ki thei ialehkai kriket jong ka ri.

Ïa kane ka kynhun ialehkai ban leit sha UAE mynta ka kynti la iarap ban bei pisa da ka Play True kaba dei ka Player-Management and Sports Marketing Company napoh ka sobar Trivandrum ryngkat ka jingiasnoh kti lang jong ka G-Force Academy, kaba dei kawei na ki shlem ai jinghikai kriket ba la im bha hapoh ka ri UAE.

Ka Daiaka Emigale Warjri, ka dei napoh ka shnong Mairang bad ba pule ia ka 2nd Semester ha Synod College. Ka Deiphibapynshngain L Mawnai ka pule ha Shillong College bad ba shong ba sah hapoh ka Shnong Mairang. Ka Debasmita kadei kaba shong ba sah ha Rynjah bad kaba la pyndep ia ka MBA graduate bad ba ka la mihkhmat teng ia ka kynhun ki thei ialehkai ka Karnataka Junior team bad hadien ba ka MCA ka la ioh ia ka Affiliation na ka BCCI ka sa wan ban ialehkai noh napoh ka jylla Meghalaya bad ka Neha ka pule ia ka B.Com ha St Anthony’s College.

Baroh kine ki thei ialehkai ki pynpaw ia ka mynsiem kaba kmen ban ioh ia kat kane ka kabu ksiar ba kin shah jied naka bynta ban leit ban ialehkai sha UAE bad ban don ha kiwei pat ki prokram ialehkai ki ban neh shiphew sngi kynthih.