Shah jied u bah Finely kum u Associated Vice President ka AFI

Syllad | The Rising MeghalayaMay 29, 2022

U Bah Finely L. Pariat, Secretary Meghalaya Atheltic Association (General Secretary Meghalaya State Olympic Association), u la shah jied ban long kum uwei na ki Associated Vice President jong ka Athletics Federation of India (AFI).

Ka jingshah jied ka jong u bah Finely ka la wan hadien ka jingialang ne ka Annual General Meeting of Athletics Federation of India, ha ka jingialang kaba la long ha Chandigarh naduh ka 27 haduh ka 29 tarik mynta u bnai.

Ha kane ka jingiajied, nalor u bah Finley, la jied ruh ia u Dr Anwar Ameen President Kerala Athletics Association JS Patnaik President Odisha Athletics Association bad Sunny Joseph Secretary Delhi Athletics Association kum ki executive member.

Hadien bala dep ban jied ia ki nongkitkam, ka la don pat ka jingialang ban pynkup burom ha kaba la don lang ka Anju Bobby George Senior Vice president AFI, Dr Lalit Bhanot, Addile Sumarila President AFI, ia ki jong u bah Finley bad kiwei kiwei.

Na ka liang u bah Finely u shim ia kane ka kabu ban pynpaw ia ka jingai khublei bad ruh ban ai nguh ia U Blei uban ialam bad plie lad plie lynti ia u ba un da kynjoh kat haduh kane ka kyrdan kaba  mynta, nalor katta um lah ruh ban khlem da ai khublei ia ki paralok lok parajor ba jan bad ba jngai, kiba la mih shakhmat ban ai khublei bad kitbok ia u hadien ka jinghah jied kum uwei na ki Associated Vice President ka AFI.