Shah jied u Finely Pariat kum u Joint Secretary ka Athletics Federation of India

Syllad | The Rising MeghalayaJanuary 8, 2025

U General Secretary ka Meghalaya Athletics Association u Bah Finley Pariat u la shah jied kum u Joint Secretary jong ka Athletics Federation of India (AFI) ha ka elekshon jied nongkitkam jong ka Federation jong ka ri kaba la long ha Chandigarh.

U Bahadur Singh pat ula shah jied da kum u president ka AFI.

Lah ban kdew ba kane ka dei ruh ka sien kaba nyngkong ba ki nongpyniaid ia ki kam ialehkai sports ka Jylla ba kin shah jied syndon shaduh ka kyrdan Joint Secretary ha kino kino ki synjuk ialehkai sports jong ka Ri India.

U Bah Finley u la pyntip ruh ba ia kane ka elekshon jied nongkitkam la wan ban pyniaid da u Retd Chief Justice ka Punjab HIgh Court.

“Nga ainguh nyngkong ia U Blei uba la plielad ia nga ban long kum uwei na ki dkhot jong ka Federation namar ka dei ka kam kaba ngam shym la mutdur ne phohsniew ban kiew sha kane ka kyrdan. Nga ai khublei ruh ia i kurim i Kong Balari Lyngskor, khun Wanda bad Rolf kiba kyrshan ianga barabor. Kumjuh nga ai khublei ruh ia kiba haiing hasem, baroh ki paralok para jor kiba ju kyrshan ianga. Ka Jingkhublei ka long ruh ia ki paralok na ki lad pathai khubor kiba la iatreilang bad nga ha kaba kyntiew ia ki kam sports.”