Shah jied U Lamang u rang ap kol ba 14 Snem ka PFR haka Hyderabad FC

Syllad | The Rising MeghalayaNovember 4, 2022

U Lamang Kynsai Kharbuli, u khynnah rit ba dang 14 snem ka rta ba dei artad u nongap kol (goalkeeper) ba dei u khun I kong  Iateilang kharbuli ba shong ba sah ha Lawsohtun Bl-V,  ba pule ha ka Class IX ha Kelian Memorial School ula shah jied haka klob ialehkai phutbol ka ri, ka Hyderabad FC naka bynta ka kynhun ialehkai U-15 jong ka.

U Lanmang u dei u khynnah ba ia ka sap ba nylla ka jong u la iarap ban sain dur ne phrang janai shuh shuh da ka Pay For Right Football Academy (PFR), naduh u snem 2018 lyngba u Elias Dhar.

Haba iadei bad kane ka jingshah jied, u Lamang ka kmie lem bad ki nong pyniaid jong ka PFR khamtam lei lei ia ki coach ki jong ka, kiba la iarap ban sain dur ia ka jingim ialehkai ka jong u tad haduh ban d apoi kane ka khep ba un da shah jied syndon ban mihkhmat iakane ka klob.

U Presdient ka PFR u bah Franky  Kharumnuid bad u bah Rilang Mylliempdah, ki pynpaw ia ka jingsngew sarong ba na I shlem ai jinghikai I barit eh I jong ki, ba ha kum kane ka sngi ka khep kaba mynta bluit la mih u Lamang ban poi shah jied  haduh kane ka kyrdan ban ialehkai  kai na kiweipat ki klob ba shabar jong ka jylla.

Na ka liang I kmie u Lamang I ruh I pynpaw ia ka jingsngew kmen ba u khun phrangsngi u jong I mynta un sdang ban mih paw pyrthei ia ka sap ba u don bad ai khublei ia ka PFR halor ka jinglah ban iarap bad btin lynti lem ka jong ki ia u khun ban poi sha kane ka thong ha ka jingim ka jong u.

Kum ka dak ka jingshah jied u Lamang, ka PFR ka la wan shakhmat ba kan da pynlong artad ia ka jingpynkup burom ia u ha Shillong Press Club