Shah jied u Manbhakupar Malngiang Airborlang Kharthangmaw  sha ka kyhun ialehkai jong ka SAFF U-16 Championship

Syllad | The Rising MeghalayaAugust 28, 2023

Ka long ka jingsarong ia ka jylla ban shem bad iohi ba ka ka kyrteng jong u Manbhakupar Malngiang  bad u Airborlang Kharthangmaw  kan mih paw lem ha ka thup ka kynhun ki khynnah ialehkai phutbol ka ri, kiban aireng sha ka lympung ialehkai jong ka SAFF U-16 Championship.

Ia ka kyhun ialehkai kaba 23 ngut jong ka India la pynbna da ka All India Football Federation bad ia kane ka kynhun un coach ia ka da u Ishfaq Ahmed.

Kane ka lympung ialehkai kan long naduh ka 1 tarik haduh ka 10 Tarik u Nailur u ban wan ha nongbah Timphu, Bhutan.

Ha kane ka kynti, ia ka India la pyniakap ia ka ha ka Group A ba don lang kiwei pat ki ri kum ka Nepal bad Bangladesh, katba  ki ri ba la pyniakap haka Group B ki kynthup ia ka Bhutan, Maldives bad ka Pakistan, ha kaba ki artylli ki ri ba ioh bun poin na kine ki ar tylli ki group kin jam pat sha ka semifinal.

Ha kane ka kynti, ka prokram jingpyrshang bad kilan ia kane ka kynhun  la sdang ia ka naduh u nai Naitung mynta ka snem ha Srinagar, ha kaba la don bynta haduh 50 ngut ki khynnah. Kine ki khynnah kiba la ialum lang ha Srinagar ka dei kaba la wan lyngba ka jingwad bniah (scouting) kaba la long  ha baroh ki bynta bad ki dong ki thain jong ka ri naduh Mihngi, Sepngi, Shatei, Shathei bad kyrpang ia ka thain mihngi jong ka ri.

Ki kyrteng ba pura ki 23 ngut ki player ka India ki long: Goalkeepers: Rohit, Aheibam Suraj Singh, Arush Hari.

Defenders: Ngariyambam Abhijit, Mohammed Kaif, Yaipharemba Chingakham, Usham Thoungamba, Vumlenlal Hangshing, Chingtham Renin Singh, Karish Soram.

Midfielders: Newton Singh, Kangujam Yoihenba Meitei, Levis Zangminlun, Bobby Singh, Abdul Salha, Ngamgouhou Mate, Vishal Yadav, Manbhakupar Malngiang, Md Arbash.

Forwards: Ningthoukhongjam Rishi Singh, Ahongshangbam Samson, Lairenjam Bharat, Airborlang Kharthangmaw. AIFF