Shah jied u Salong Lamare kum u Dolloi ka Elaka Nartiang

Syllad | The Rising MeghalayaMarch 25, 2022

U Ma Salong Lamare ula shah jied kum u Dolloi ba pura jong ka Elaka Nartiang hadien ba ula jop iaka election Dolloi ka Elaka Nartiang kaba long haka sngi Thohdieng.

U Returning Officer Dolloiship Election, Jaintia Hills Autonomous District Council (JHADC) u Ma Hatmin Lyngdoh Giri ula pynbna u Salong Lamare hadien ba ula ioh vote 3180.

U Ma Salong uba ka shap jong u ka dei ka ‘Sngi’ ula jop da 777 vote ia u kyrtong uba wan ba ar u ma Jemeo Dkhar uba ïeng haka shap jong ka ‘Pyrla’ ula ïoh 2403 vote, u Leibanki Dkhar uba ïeng haka shap jong ka ‘Jingkieng’ ula ïoh tang 141 vote katba u Helpmi Dhar uba ïeng haka muhor jong ka ‘Wait’ ula ïoh tang 36 vote bad 186 vote pat kidei ki vote kiba shah kyntait (Invalid vote).

Pule | U Chanki Langbang u Dolloi ba pura ka Elaka Shangpung

Kumban shu pynkynman ba kane ka dei ka sien kaba ar ba u ma Salong Lamare ula iakhun iaka kam Dolloi ha kane ka Elaka. Ka sien kaba nyngkong ka dei ha u snem 2019 kaba jop da u (L) Hepsing Dhar.