Shah jied u Samuel Lyngdoh haka Indian Football Team

Syllad | The Rising MeghalayaFebruary 12, 2019

SHILLONG: U Samla Samuel Lyngdoh Kynshi; u samla ïalehkai football jong ka Shillong Lajong u la shah jied haka kynhun jong ka Indian Football team ba la pynbna da ka AIFF na ka bynta ka AFC U-23 Championship qualifier ka ba yn pynlong ha Uzbekistan naduh ka 22–26 Lber 2019.

U Samuel Lyngdoh Kynshi ba dang 18 snem ka rta u nongthep kol ba dang rit tam jong ka Jylla ha ka I-League 2019 un sa leit ïasoh bad ka kynhun jong ka ri na ka bynta ka jingpynkhreh ha Goa, kata 2-8 tarik bad 16-19 tarik u Lber ban lehkai paralok pyrshah ïaka Qatar U-23.

Une u samla u long uwei na ki player jong ka shlem ai jinghikai Football ka Shilong Lajong bad mynta u dang don bad ka Shillong Lajong I- League team bad u wan ba ar kum u snar  nongthep kol jong ka I-League haduh 4 kol.