Shah kawang petrol bom 2 tylli ki police station bad ka ophis sorkar ha Shillong
Artylli ki police station bad kawei ka ophis sorkar jong ka tnat Meghalaya Government Construction Corporation (MGCC) kiba don ha ka nongbah Shillong ki la ngat ha ka jingshah thombor da ki petrol bom ha ki riew runar ki bym lah ban ithuh hynne ka step sngi Balang.
Kine ki artylli ki police station kiba la ngat ha ka jingshah thombor ki kynthup ia ka Shillong Sadar police station bad ka Rynjah police station kiba don hapdeng jong ka nongbah Shillong, ong ka khubor pulit.
![](https://www.syllad.com/wp-content/uploads/2024/09/JIT-Vacancy-823x1024.avif)
Katba katei ka ka ophis kaba la ngat ha ka jingshah thombor ka dei kaba don ha ka thain Rilbong, Shillong.
Ka khubor pulit ka la ong ba kane ka jingjia shah thombor ka la jia ha ka por kumba 4:30 mynstep, hynrei kam shym la don satia kano kano ka jingjulor ia baroh kitei ki artylli ki police station.
Ha kaba iadei bad ka jingthombor ia katei ka ophis ka MGCC, ki pulit ki la ong ba katkum ka CCTV la iohi ba ki kali kiba pynieng hapoh ka phyllaw jong kane ka ophis ki la lait thaw da ka said hadien ba u petrol bom ba ka kawang um shym la dei kumba thmu.
Leave a Reply