Shah kem 10 ngut ki nong Bangladesh ba wan rung tuh sha Meghalaya

Syllad | The Rising MeghalayaSeptember 28, 2024

Hadien ba la ioh ia ka jingtip kaba bniah na ki shipai Border Security Force (BSF) ki bor pulit napoh ZigZag Police Station ha ka 27 tarik Nailur ki la ioh ban kem noh ia 10 ngut ki nong Bangladesh kiba la wan rungtuh da ka kali auto rickshaw na ki bynta jong ka thain Purakhasia, West Garo Hills District.

Ha kaba nyngkong hadien ka jingioh jingtip na ki BSF ka 50 Bn, ki pulit napoh Purakhasia Out Post ha ryngkat ki BSF na ka 100 Bn ki la pynlong ka jingpynap shrip ha ki bynta jong ka SH-12 hapdeng ka Dalu and Ampati ban ioh kem ia kine ki briew.

Hynrei hadien ki la ioh jingtip lyngba ka tyllong khubor ba kine ki nong Bangladesh ki la dep iaid lyngba katei ka jaka.

Kumta mardor ki la pyntip noh shapoh ZigZag Police Station ha kaba ki la ioh ban bat noh ia kine ki nong Bangladesh.

Na ka liang ki pulit ki la ialam noh ia kine ki nong Bangladesh shapoh ka iingkashari.