Shah kem 11 ngut ki nong Bangladesh phrung tuh na Dawki bad SWGH

Syllad | The Rising MeghalayaNovember 4, 2024

Haduh khatwei ngut ki nong Bangladesh kiba la wan rungtuh sha ki bynta khappud ka India ki la shah kem noh ha ki pulit bad ki BSF haka 4 tarik Naiwieng.

Kane ka jingwan rung tuh ki ne ki nong Bangladesh ka jia haka shnong Baldamgiri South West Garo Hills bad Dawki.

7 ngut kila shah kem ha South West Garo, katba 4 ngut pat na Dawki ha ryngkat ki trai shnong kiba iarap pynryngkang par.

La aiti noh ia kine kiba shah kem na South West Garo Hills sha ki bor pulit jong ka Kalaichar Patrol Post ban leh ia kaba donkam. Na kine ki briew la ioh ban kurup ia bun bah ki tiar ki tar kiba kynthup ia ka passport ka ri Bangladesh, ka pisa Bangladesh, ki mobile phone bad ki SIM Card kiba dei napoh Bangladesh.

Kine ki hynniew ngut kiba la shah kem ki dei u Angur Hussain Afrib (20), Amir Ali (35), Chand Miah (60), Md. Bukul Mia (32), Jahan (45), Md. Rasel Ali (35), bad u Biblop Miah (35 snem rta ), baroh kiba dei na ka District Kurigram ka Bangladesh.

Ha kawei pat ka jingjia, ki shipai jong ka 4 Bn BSF Meghalaya ki la kem saw ngut ki nong Bangladesh bad lai ngut ki nong India. Kine kiba shah kem ki dei u Shorobindu Biswas (37 snem ka rta), u Royal Talukder (17 snem ka rta), u Rony Lamin (34 snem ka rta, Kausalla Talukdar (33 snem), ki nongiarap pynryngkang par. Katba ki nong India kiba shah bat u Shankhor Saha (46 snem ka rta, nong India), u khynnah ba dang 9 snem, bad ka Suna Lyngdoh (22 snem). Ha kane ka jingioh bat ia kine ki briew iala kurup ruh iaka kali ha Dawki, East Khasi Hills district .

La iathuh baroh kine ki nong Bangladesh kiba thmu phrung tuh ki dei kiba thmu ban leit bylla sha Assam.

Kumban shu pynkynmaw ha ka 27 tarik u bnai Nailur, ki BSF kila uoh kem haduh 10 ngut ki nong Bangladesh, ha ki bynta ka Boirakupi, Zikzak. Kawei pat ka jing phrung tuh kala jia haka 8 tarik u Risaw ba la dep, uwei u nong Bangladesh u la shah kem noh na Bakdagre kaba hap hapoh Mahendraganj PS.  Ha kane ka jingjia nalor une u nong Bangladesh ki pulit ki la kem noh ruh ia u trai shnong uba donkti ha kaba ai jaka rieh bad ka jingtohkit ka dang iaid shakhmat.

Na ka liang ki bor pulit ka thain ki dang iai bteng ban long kiba peitngor da kaba iatreilang ryngkat ryngkat bad ki shipai BSF na ka bynta ka jingshngain ki jaka khappud bad ban khanglad ia ki kam wan rungtuh sha u pud u sam jong ka ri.