Shah kem 2 ngut ha ryngkat ki laptop ba shu tuh na Shillong

Syllad | The Rising MeghalayaFebruary 25, 2025

Ki pulit ka Pasteur Beat House haka 24 tarik Rymphang ki la ioh ban kem noh ia arngut ki briew kiba la tip kyrteng kum u Navin Sunar (42) uba dei na Laban, najan St John bad ia u Sanju Sunar (38 snem rta) na Barapathar na ka thain Polo bad ioh ban kurup noh na ki ia ki laptop kiba shu tuh.

Ha ka jingtohkit kine ki arngut ki la phla ba ki la prong jubor ha kawei ka iingbriew hajan ka skul BK Bajoria ha kaba ki la tuh ia artylli ki laptop lem bad kiwei pat ki tiar, ong ki pulit.

Nalor kiwei pat ki tiar kiba la ioh kurup ki kynthup ruh ia ka passport Bhutan kaba dei jong uwei u briew uba kyrteng u Jigyel Gyeltshen, ong ki pulit.

Halor kane ka jingjia ki pulit ki la register case pyrshah ia kine ki arngut hapoh Laitumkhrah police station.