Shah kem 2 ngut ha ryngkat laitylli ki thuk thuk ba shah tuh na Mawsynram

Syllad | The Rising MeghalayaJanuary 9, 2025

Ki pulit ha ka 8 tarik Kyllalyngkot ki la ioh ban kem noh ia arngut ki briew ha ryngkat laitylli ki thuk thuk kiba la shah tuh napoh Mawsynram, East Khasi Hills District.

U Superintendent of Police ka District u Bah Vivek Syiem u pyntip ba kine ki arngut kiba la shah kem ki dei kiba la tip kyrteng kum u Sengku M Marak (24) bad u Cornalius Mukhim (18 snem rta).

U la ong ruh ba kane ka jingioh kem ia kine ki arngut ka la wan long hadien ba ki pulit napoh Mawsynram Police Station ki dang pynlong ia ka jingtalasi hadien ba ki la lapdien ia kine ki artylli ki thuk thuk kiba la shah tuh na Shillong bad kawei ka Assam.

Uwei na kine ki nongniah thuk thuk u la pyrshang ban lait na kane ka jingtalasi da kaba phet krad noh, hynrei ha ka jingbeh thong ia une u briew u la iehnoh ia ka thuk thuk bad phetkrad noh ia lade.

Kine ki laitylli ki thuk thuk ba la ioh kurup ki dei kiba don ia u Registration Nombor AS19 N 8664, ML 05AD 3852 bad ML05 AE 1218.

Ka jingtohkit bniah ha kaba iadei bad kane ka kam tuh ka la iaid shakhmat.