Shah kem 2 ngut ki nongkhaii drok kiba dei na Them Metor napoh Ri Bhoi District

Syllad | The Rising MeghalayaAugust 9, 2024

Ki bor pulit ka Ri Bhoi District ha ka janmiet jong ka 8 tarik ki la ioh ban kem noh ia arngut ki nongkhaii drok kiba shong ba sah ha Them Metor, Shillong ha kaba la ioh ruh ban kurup na ki ia u drok heroin.

Kine ki arngut ki nongkhaii drok kiba la tip kyrteng kum u Peter Lamare 31 bad u Vikash Masih 29 snem rta ki la shah kem noh ha ka por janmiet napoh ka petrol pump ha Shangbangla, Ri Bhoi District.

Haba pynlong ia ka jingtalasi ia ka scooty kaba ki pyndonkam kaba don u nombor ML05-T-2927, ki pulit kila ioh kurup ia saw tylli ki synduk sabon kiba don u droks heroin uba khia 46.14 gram.

Hadien ki pulit ki la register case pyrshah ia kine ki arngut ha Nongpoh Police Station bad la pynngat ia ki hapoh ka kyndon NDPS Act. Ka jingtohkit mynta ka la iaid shakhmat ban lapdien shuh shuh ia kane ka kam khaii drok jong ki.