Shah kem 2 ngut ki nongkhaii drok ryngkat u heroin na Mawryngkneng

Syllad | The Rising MeghalayaOctober 22, 2024

Ki pulit na ka Tnad Anti Narcotics Task Force (ANTF) ka East Khasi Hills ha ka 22 tarik u Risaw ki la ioh ban kem ia arngut ki snar nongkhaii drok na ka thain Mawryngkneng bad ioh ban kurup noh ia shibun bah u drok heroin bad ki dawai kuli Yaba tablet.

Kine ki arngut kiba la shah kem ki dei u Mastak Ahmed Mazumder (26) bad u Hanif Ahmed Laskar (29).

Ki Pulit kila iathuh ba hadien ka jingtalasi ki pulit ki la ioh ban kurup noh 5 tylli ki song jingbuh sabon na u Mastak ha kaba la thep ia u drok heroin uba don ka jingkhia kaba haduh 56.93 gram. Na u Hanif la ioh ban kurup ia kawei ka plastik kaba don haduh 196 tylli ki dawai kuli Yaba tablet kiba don ka jingkhia kaba 19.16 gram. Nalor kata la kurup ruh iaka mobile phone jong ki, ka EPIC bad PAN Card.

Hadien kane la register case pyrshah ia kine ki arngut hapoh Mawryngkneng Police Station hapoh ki kyndon jong ka NDPS Act bad ka jingtohkit ka dang iaid shakhmat.