Shah kem 2 ngut ki snar khaii drok na Manipur ha Umphyrnai

Syllad | The Rising MeghalayaDecember 12, 2024

Ki pulit na ka Tnad Anti Narcotic Task Force (ANTF) ha ka 12 tarik Nohprah ki la ioh ban kem ia arngut ki snar nongkhaii drok kiba dei na ka Jylla Manipur ha ryngkat u drok heroin na ka shnong Umphyrnai kaba hap hapoh Madanriting police station.

Kine ki arngut kiba la shah kem noh ki dei kiba la tip kyrteng kum u Dontanglian (39) bad u Chingneilun (30) snem rta.

U Superintendent of Police ka East Khasi Hills lyngba u kyrwoh u pyntip ba na kine ki arngut la ioh ban kurup haduh shiphew tylli ki song sabon kiba don ia u drok heroin uba khia haduh 106.06 gram, kynthup ia artylli ki mobile phone.

Mynta ki pulit ki la register case pyrshah ia kine ki arngut hapoh ki kyndon ain Narcotic Act bad ka jingtohkit mynta ka la iaid shakhmat.