Shah kem 3 ngut ki nong Nigeria ha East Jaiñtia Hills

Syllad | The Rising MeghalayaSeptember 13, 2019

KHLIEHRIAT: Lai ngut ki briew kiba dei ki nong Nigeria kila shah kem haki Pulit jong ka East Jaintia Hills District hadien ba kila shah kynnoh ba ki rung tuh shapoh ka Ri India.

Kine ki lai ki nong Nigeria la tip kyrteng kum u Koman Daniel, Nnyigide Jamina Okechukwu bad u Okeke Ifechukwu John.

Ïa kine ki lai ngut ki Pulit ka East Jaiñtia Hills kila kem ïaki na kawei ka bos Night Super hynnin ka miet ha Khliehriat. La iathuh ba kine ki nong Nigeria kila wan na Ri Bangladesh bad kila rung tuh sha Ri India lyngba ka Jylla Tripura.

Ki Pulit kila ïoh kurup iaka passport bad ki pisa US Dollar.

Halor kane ka jingïohkem ia kine ki nong Nigeria ka jingtohkit ki Pulit, East Jaiñtia Hills kala iaid shakhmat bad la pyngngat ïaki Foreigners Act.