Shah kem 3 ngut  ki suba donkti ban pyniap ia u rangbah ha Moojem

Syllad | The Rising MeghalayaAugust 3, 2024

Ki pulit jong ka West Jaintia Hills District kila kem ia lai ngut briew halor ka jingsuba donkti ban pyniap ia u wei u rangbah ba kyrteng u Donboklang Iai Talang haka shnong Mojem, ka shnong kaba don ha khappud Assam-Meghalaya hadien ba ula jah rngai naduh ka 18 tarik Naitung.

Ka khubor pulit ka iathuh ba iaka metiap jong u Donboklang la lap ha ka 20 tarik Naitung ha ka shnong Moojem.

Kiba haiing jong u Donboklang namar ka jingsuba sniew halor ka jingiap jong u, kila mudui iaka jingujor ejahar sha ki pulit ka Raliang Police Station.

Ki pulit haba tohkit iaka jingjia kila lap dien ba u Donboklang ula shah pyniap namar ka jingiaknieh jaka.

Kumta ki pulit kila kem noh ia ki lai ngut ki suba kiba kynthup ia u Tellme Saphai, u Kor Talang bad u Blo Talang, baroh ki dei ki nongshong shnong ka Diengler.