Shah kem 4 ngut bad u kynja 12 Kg ha Jowai

Syllad | The Rising MeghalayaJanuary 15, 2020

JOWAI: Ki Pulit jong ka West Jaiñtia Hills kila kem saw ngut ki briew bad u kynja 12.192 kgs na kawei ka kali Mahindra Scorpio haka jingkhynra kali hynne ka shiteng synia haka por 1 baje mynstep ha Jowai Bypass.

Kine ki saw ngut kiba la shah kem ki dei u Samuel Vanlalpekhlua (21), Deepak Gharty (21), K Lothantluanga (26) u trai kali bad RC Lalrinfela (24). Baroh kine ki saw ngut ki dei na Bawngkawn, Aizawl, Mizoram. 

U Superintendent of Police West Jaiñtia Hills District, Bah Lakador Syiem MPS, ula ïathuh ba hadien ba kila ïoh jingtip na ki para Pulit halor kane ka kali Mahindra Scorpio kaba don u nomber MZ01T2502 kila pynlong ka jingkhynra kali bad ïoh bat ia kane ka kali ha Jowai By Pass.

Haba la khynra ïa kane ka kali kila lap ïa utei u kynja bad kila bat ïa kitei ki saw ngut bad haka jingtohkit kila ïathuh ba ki thmu ba ki wan na Shillong ban leit sha Mizoram.

Ki pulit kila kurup ïaka kali bad kynja katkum ka kyndon jong ka NDPS Act. Halor kane ka jingtohkit kala iaid shakhmat.