Shah kem 4 ngut ha ryngkat u drok heroin na Fire Brigade, Shillong

Syllad | The Rising MeghalayaJuly 13, 2024

Ki pulit ka kynhun Anti-Narcotics Task Force (ANTF) ka East Khasi Hills haka 13 tarik Naitung ki la ioh ban kem ia sawngut ki briew kaba kynthup ia arngut ki kynthei na ka thain Fire Brigade, Laitumkhrah, Shillong bad ioh ban kurup noh haduh 411.99 gram u drok heroin.

U Superintendent of Police (City), East Khasi Hills, Shillong u la pyntip ba kine ki sawngut kiba la shah kem ki dei kiba la tip kyrteng kum u KaiKhaio Hao (62 snem ), ka Gracy Dawman (40 snem), ka Pholneilam Kipgen (34 snem) bad u Plalcha Khongsai (31 snem rta).

Na kine ki sawngut ki pulit ki la ioh ban kurup noh haduh 34 tylli ki song sabon ia kiba la thep ia u drok heroin uba don ka jingkhia kaba haduh 411.99 gram, kynthup ia santylli ki mobile phone bad artylli ki jingdeng syngkai.

Halor kane ki pulit ki la register case hapoh Laitumkhrah PS hapoh ki kyndon ka NDPS Act bad ka jingtohkit mynta ka la iaid shakhmat.