Shah kem 4 ngut ki nongkhaii drok kynthup 3 ki kynthei na Umsohsun

Syllad | The Rising MeghalayaOctober 23, 2024

Ki pulit na ka Tnad Anti Narcotics Task Force (ANTF) ka East Khasi Hills ha ka 22 tarik u Risaw ki la ioh ban kem noh ia sawngut ki nongkhaii drok kaba kynthup ia laingut ki kynthei na ka thain Umsohsun, Shillong bad ioh ban kurup noh ia u drok heroin.

Kine ki nongkhaii drok kiba la shah kem noh ki dei kiba la tip kyrteng kum ka Altima Khatun (27), Gulasha Begum (30), Jumila Khatun (28) bad u Suraj Masih (25 snem rta).

Ki pulit kila buddien ïa kine ki briew naduh na Oakland ha ka por janmiet shaduh Umsohsun hadien ba ki la bat noh ia ki.

Ha ka jingtalasi ki pulit ki la ioh ban kurup noh ia artylli ki synduk thep sabon ba la thep ia u drok uba khia 19.4 gram, santylli ki mobile phone bad ka pisa T.81,610.

Hadien kane ki pulit ki la register case pyrshah ia kine ki sawngut hapoh Sadar police station bad ka jingtohkit mynta ka dang iaid shakhmat.