Shah kem 5 ngut na ka jingthang kali ha Laitumkhrah Police Station

Syllad | The Rising MeghalayaJuly 8, 2023

Ki pulit jong ka East Khasi Hills District ki la kem iaki 5 ngut halor ka jingia khajia katba ia kiba donkti ban thang kali ha thanad Laitumkhrah Police Station, ki pulit ki dang thwet iaki

Napdeng kine ki 5 ngut kiba la shah kem, lai ngut kidei ki Khasi bad arngut kidei ki bar jylla.

Mar mar ki Pulit kila rah ia kine ki 5 ngut la rah sha Civil Hospital Shillong ban leh iaka Medical Check-up bad hadien pat la rah iaki sha iing kashari.

Kane ka jingjia shah thang kali kala jia n ka jingiakhajia ki ar kynhun ha surok kala wanrah ruh shaduh u pud ban thang kali ha Laitumkhrah Police Station haka miet 6 tarik Naitung.

Kine ki kali ba shah thang ki dei kiba pynieng ha phyllaw jong ka Laitumkhrah Police Station ba kynthup ia kawei ka kali Gypsy Pulit kaba don ia u nombar ML02-0238 bad ka kali Tourist kaba don ia u nombar ML05-Y-9977 ki la shah wiang ding bad julor phom.

Kane ka jinghuri hura kala mih hadien ka jingiakhajia ha surok hajan DHS bad hadien la mudui ejahar ha thanad Laitumkhrah bad la kynnoh ba ki pulit kim pdiang iaka FIR. La kynnoh ruh ba ki CrPF kila kawang lathi iaki briew kiba iakhajia bad kynnoh ba ki briew kiba ym thuh ki thmu ruh ban knieh iaki tiar siat ki shipai CrPF.