Shah kem 6 ngut kurup u drok heroin ha Shillong

Syllad | The Rising MeghalayaSeptember 7, 2022

Kum shi bynta ban rat dyngkhong ia ka kam khaiï beaiñ ia u drok, ka kynhun ka Anti Narcotic Task Force lem bad ki Pulit ka Laitumkhrah PS haka miet sngi ba ar, ki la ioh ban kem ia saw ngut ki briew halor ka jingkynnoh ba kidei ki snar nongdie drok ha kane ka nongbah.

Ka khubor na ki pulit, ha kaba sdang eh, la lah shwa ban ioh bat ia kawei ka taxi kaba don ia u nomber ML 05K 4437 ha ki thain jong ka Lower New Colony bad ha kane ka por la ioh ban kem ia u Debojit Ghosh, 28 snem, Badonbok Marwein 28 snem, Ibapynhun Marwein 29 snem and Macdonald Khongmalai 26 snem.

Haba la talasi, na kine la ioh ban kurup 13.54 gms u Heroin, 153 ki bitor thep drok, 3 tylli ki mobile phone lem bad katei ka Maruti taxi .

Hadien ba la kem ia kine ha ka jingtohkit, la ioh ksai pat naka bynta ban kem ia Deepika Roy 32 snem ka rta, na ki thain ka Laitumkhrah Main Road, kaba haka jingtohkit ki pulit ka la ialam beit beit sha ka iing jong Archana Roy 25 snem bad ha ka jingleit ban khynra ia ka iing, ki pulit ki la ioh ban kurup 57.54gms u Heroin, 1 ka mobile phone lem bad ka pisa Rs 1,94,975 .

Katba ha ka jingleit ban khyra ia ka iing ka Deepika Roy, ha Nongrimbah, Laitumkhrah, ki pulit ki la ioh ban kurup ia ka ksiar kaba don 256.36 gms, Heroin: 66.7gms lem bad ka pisa kaba don Rs 19,000/-

Tad haduh ba la wanllam ia kane ka khubor ki pulit ki Pulit ki la kem 6 ngut ba kynthup ia lai ngut ki shynrnag bad lai ngut ki kynthei bad la pynngat ia ki ha kiba bun ki kyndon katkum ka Laitumkhrah PS case no. 126(09)2022 U/S 21 (b)/ 25/ 29 NDPS Act.