Shah kem 8 ngut bad ka longkmie ba khaïi Drugs ha East Jaiñtia
KHLIEHRIAT: Ki Pulit jong ka East Jaiñtia Hills kila ïoh ban kem haduh 8 ngut ki briew kynthup ïaka longkmie bad kila ïoh kurup haduh 45 grams u drugs Heroin na East Jaiñtia Hills haka jingkhynra ïaki suba nongkhaii ha kine ki lai sngi kiba la dep.
Ki Pulit jong ka Khliehriat Police Station, Ladrymbai Out Post ryngkat ka jingïatreilang ki Pulit ANTF kiba ïadei bad ka kam drugs kila pynlong ki jingkhynra ïaki nongkhaii drugs ha katei ka District.
![](https://www.syllad.com/wp-content/uploads/2024/09/JIT-Vacancy-823x1024.avif)
U Superintendent of Police East Jaiñtia Hills District, Vivekanand Singh, IPS, ula ïathuh ba ha kine ki jingkhynra jong ki Pulit bad ki Pulit ANTF kila ïoh kem haduh 8 ngut ki briew bad u drugs Heroin uba la kot 45 grams.
Haka jingkhynra kaba nyngkong kaba la pynlong haka 11 tarik une u bnai ki pulit ïoh kurup 4.23 grams u drugs Heroin na kawei ka kali kaba don u number ML-10A-4268 ha Moopala. Kila ïohkem ruh saw ngut ki suba nongkhaii ba kynthup ïa u Kyrshan Syti, u Trusty Latam, kiba naka shnong Moopala, East Jaiñtia Hills District, u Ferdinand Pale naka shnong Ialong, West Jaiñtia Hills bad u Chanmi Patwet uba na Khimusniang, Jowai.
Ha ka sngi kaba bud kata haka 12 tarik la ïoh kurup 1.48 grams u Heroin na uwei u Sanjit Singha uba iaid lynti da kawei ka kali kamai kaba don u number ML-04A-4819 ha Byndihati. Haka juh ka sngi la kurup 34.29 grams u drugs Heroin na kawei ka kali AS-24A-1861 ha Moopala bad la ïohkem ar ngut ki briew ba kynthup ïa u Sabul Uddin bad u Aftab Uddin.
Haka jingkhynra kaba la pynlong haka step sngi Balang la ïoh kurup biang sa 4.15 grams Heroin na kawei ka ïing ha Ladrymbai Dongwah Pohktieh. La kem ïaka trai ïing kaba kyrteng ka Chales Myrchiang.
Halor kane ka jingïohkem ïa kine ki suba nongkhaii bad kurup drugs ki Pulit jong ak Khliehriat kila register ïaka case bad pyngngat ïaki ha ki kam khaii drugs bad ka jingtohkit kala iaid shakhmat.
U Superintendent of Police East Jaiñtia Hills u Vivekanand Singh, IPS ula pynpaw ïaka jingsngewnguh ïaki nongïalam shnong ha katei ka district kiba la ïarap ïaki pulit halor kane ka jingïohkurup drugs bad kem ïa ki briew kiba suba donkti ban khaii drugs. Ula ong ba kin bteng ban pyntreikam ïaka NDPS Act ban ïakhun pyrshah ïa u drugs bad haka juh ka por ula kyrpad ia ki nongshong shnong ban wan shakhmat ban ai jingtip ban pynduh jait ïa kane ka jingsniew jong ka imlang sahlang.
Leave a Reply