Shah kem 8 ngut ki suba nongkhaii biri beaiñ sha Bangladesh na Muktapur
Phra ngut ki suba nongkhaii beaiñ kiba suba donkti ban shalan biri beaiñ sha Bangladesh kila shah bat haki shipai da shnong jong ka Muktapur, West Jaiñtia Hills District.
Kine ki phra ngut kiba shah kem ki kynthup ia u Pyndap Sumer, u nongniah ka kali, u Turong Surong, Lip Buam, Joy Sumer, Tei Mulat, Ribok Rymbai, Iaineh Suting bad u Seibor Shadap. Baroh kine ki briew ki dei na ka shnong Jarain, Amlarem Sub Division.
La iathuh ba ia kine ki 8 ngut la ïoh bat da ka shipai da shnong jong ka Muktapur haka por 10 baje mynmiet na u mawpud 1284 hajan ka shnong hadien ba kila dep ban pynkam shilliang ia ki mar khaii beaiñ sha Bangladesh.
Ki VDP shnong jong ka Muktapur hadien ba kila iohi ia kine ki briew ba ki kam shilliang u pud kila pynap shrip bad ioh bat ia kine ki suba nongkhaii beaiñ.
La iathuh ba haduh 42 song u biri kila ïoh ban shalan sha Bangladesh bad kine ki phra ngut kila kam ba ki dei tang ki nongbam nong ban pynpoi ia u mar sha Bangladesh.
La kynnoh ba u briew ba donkti ban khaii u dei na ka shnong Syndai u Ma bhoi Shylla ba khot sin ma Bhoi
Halor ka e ka jingiohbat ia kine 8 ngut ki shipai da shnong ka Muktapur kila aiti iaki sha ki pulit jong ka Muktapur PP bad la mudui ruh iaka jingujor ejahar.
Ka jingtohkit halor kane jingshahkem kine ki briew kala iaid shakhmat.
Facebook
Instagram
Youtube
Twitter
Leave a Reply