Shah kem ar ngut ki longkmie na Manipur, kurup drok heroin na East Khasi Hills

Syllad | The Rising MeghalayaJune 17, 2024

Ki pulit ka Tnat Anti-Narcotics Task Force (ANTF) ka East Khasi Hills, haka 17 tarik Jylliew ki la ioh ban kurup ia u drok heroin uba khia haduh 454.32 gram najan Madanrting Police Station.

U Superintendent of Police ka EKH, u Bah Sylvester Nongtyngner u pyntip ba ki bor pulit kiba ju pynlong khah khah ia ka jingtalasi, haka 17 tarik Jylliew ki la ioh ban kurup noh ia une u drok heroin uba khia haduh 454.32 gram na kawei ka kali kamai tourist bad kem noh ia arngut ki longkmie kiba donkti.

Kine ki arngut ki longkmie kiba la shah kem noh ki dei kiba la tip kyrteng kum ka Tinkhonei Haokip (37) bad ka Mongkim Haokip (53 snem rta) kiba dei na ka Jylla Manipur.

Mynta ki pulit ki la rejister case pyrshah ia kine ki arngut hapoh Madanrting PS bad ka jingtohkit mynta ka la iaid shakhmat.