Shah kem ar ngut shipara ba suba nongkhaïi drok, ïoh kurup drok heroin

Syllad | The Rising MeghalayaMay 14, 2019

JOWAI: Ar ngut shipara kila shah kem noh ha ki pulit Anti Narcotics Task Force (ANTF), West Jaiñtia Hills District na Moomon, Mihmyntdu hajan ka ophis u DTO Jowai haka sngi ba ar.

Kine ki ar ngut shipara ki dei u Alexander Lamare bad u Livingstone Susngi kiba na ka shnong Nangbah Mulang.

Ki pulit ANTF kiba dei peit ïa ka kam khaïi drok hadien ba kila ïoh jngtip ba kidon ki briew kiba mlien ban shang sha Ladthadlaboh, Mihmyntdu bad kiwei kiwei ki jaka ban die drok kila hiar pynap shrip bad ïohkem haka por ba dang iaid ka kali kaba dei ka maruti car AS 02 C 6737 na katei ka jaka haka por kumba 4:30 PM.

Haka jingkhnra ïaka kali bad na ka met jong kine ki arngut la ïoh kurup ïa u drok heroin ba 2.17 gram bad ki song drok kiba thylli kiba suba bala dep die sha ki nongdih. Nalor kata la kurup ka pisa T.51 hajar.

Halor kane ka jingiohkem ïa kine ki arngut ka jingtohkit ki pulit kala iaid shakhmat.