Shah kem arngut halor ka jingshah pyniap u rangbah ha Khatar Shnong, Sohra

Syllad | The Rising MeghalayaJanuary 2, 2024

Arngut ki briew kiba donkti ha kaba iadei bad ka jingshah pyniap jong uwei u rangbah 50 snem rta kaba la jia ha ka 1 tarik mynta u bnai ha ka por kumba 3 baje mynstep ha Khatar Shnong, Sohra, East Khasi Hills ki la shah kem noh, ong ka khubor pulit.

Une u lanot uba la shah pyniap u dei uba la tip kyrteng kum u Bah Moris Khongshei, kata hadien ba u la ngat ha ka jingshah thombor ha kitei ki arngut ki briew.

Halor kane ka jingjia la rejistar case hapoh Sohra Police Station bad na ka liang ki pulit ki la shimti ban pynlong ia ka jingtohkit.

Shuh shuh hadien ka jingtohkit ia kine ki arngut ki briew kiba la shah kem noh la wanlam ia ki hakhmat ka kashari, ong ka khubor.