Shah kem arngut ki bar jylla ba thmu lehbeijot iaka samla ha East Jaintia Hills
Arngut ki bar jylla ïa kiba la tip kyrteng kum u Monjura Ahmed bad u Halim Uddin kiba na Karimganj District, Assam ki la shah kynnoh ba ki thmu leh beijot bad jrong kti ïa kawei ka thei samla kaba dang 19 snem rta.
La kynnoh ba kane kala jia haka 8 tarik Rymphang katba ka thei samla ka dang mut thied sliper haka dukan jong ki, kaba don ha kawei ka jaka iew ha East Jaintia Hills District.
Halor kane ka jingjia katei ka samla kala ïathuh haki dkhot jong ka STIEH, HANM Women’s Wings bad KSU Khliehriat Unit kiba la shimkhia ban ujor sha ki pulit Women’s Police Station, Khliehriat bad da ka jingiatreilang bad ki pulit kila kem ia kine bar jylla haka sngi Thohdieng.
La kynnoh ba kine ki bar jylla kiba don jingthmu sniew kila khot ïaka thei samla sha khrum buh tiar ne stock slipper ban pyni ïaki slipper ba dang wan thymmai, hynrei ki la jrong kti pynban ïaka bad daka said kala lait na ka tyrsiem kine ki riew sniew kiba thmu ban thombor iaka.
Kitei ki kynhun sengbhalang ki la kyntu ïaki samla kynthei kumjuh ki longkmie ba kimdei ban tieng lada don kum kine ki jingjia hynrei ban mih shakhmat bad ujor sha ka aiñ.
Facebook
Instagram
Youtube
Twitter
Leave a Reply