Shah kem ka snar nongkhaii drok bad 9.72 gm u heroin na Shillong

Syllad | The Rising MeghalayaSeptember 26, 2024

Ka Tnad Anti Narcotic Task Force (ANTF) ka East Khasi Hills ha ryngkat ki pulit ka Lumdiengjri PS bad Jhalupara OP, ha ka 25 tarik Nailur ki la ioh ban kem noh ia kawei ka snar nongkhaii drok na ka nongbah Shillong.

Kane ka briew kaba la shah kem noh ha ki pulit ka dei kaba la tip kyrteng kum ka Aisha Khatoon 39 snem rta kaba shong ba sah ha Pahari, Lower Paltan Bazar, Shillong.

Na kane ka longkmie la ioh ban kurup noh haduh 73 tylli ki bilor rit ba la thep ia u drok heroin uba don ka jingkhia kaba haduh 9.72 gram, 4 tylli ki mobile phone bad ka pisa T.27,410/-.

Ki pulit ki la register case pyrshah ia kane ka longkmie hapoh ki kyndon jong ka NDPS Act bad ka jingtohkit mynta ka dang iaid shakhmat.