Shah kem noh u suba nongleh beijot ba phet rieh na ki pulit

Syllad | The Rising MeghalayaNovember 18, 2024

Uwei u briew uba shah kynnoh donkti ha kaba leh beijot ia kawei ka khynnah rit u la shah kem noh hadien ka jingphet rieh na ki pulit ha ka 17 tarik Naiwieng ha Phramer, West Jaintia Hills.

Une u briew uba shah kem u dei uba na kawei ka shnong kaba ha Amlarem Sub Division, hynrei ula phet rie h na ka bor jong ka aiñ naduh ba la mudui ejahar pyrshah ia u da kawei ka longkmie kaba la kynnoh ba u la leh beijot ia ka khun jong ka kaba dang rit ha ka jingjia kaba la jia ha u bnai Nailur 2023.

Ia une u briew la register case pyshah ia u hapoh Amlarem Police Station katkum ka case No 5(9)23 hapoh section 3(a)/4 POCSO Act.

Hadien ba la pynlong ia ka jingtohkit kaba bniah ha Phramer Traffic Cell la kem noh ia une u briew bad phah ban leh ia ka Medical Examination ha Jowai Civil Hospital bad ban ialam pat sha ka kashari  haka 18 tarik Naiwieng (Mynta ka sngi).