Shah kem sa 2 ngut halor ka jingshah pyniap ba triem ha East Jaintia Hills

Syllad | The Rising MeghalayaJuly 15, 2024

Ki Pulit ka East Jaintia Hills ha ka 15 tarik mynta u bnai kila ioh kem sa arngut ki briew kiba la shah suba donkti halor ka jingjia shah pyniap ba triem jong ki saw ngut ki briew ha ka shnong Umpleng, East Jaintia Hills District.

U Superintendent of Police ka EJH u pyntip ba mynta ki la don laingut baroh kiba la shah kem halor katei ka jingjia shah pyniap jong kitei ki sawngut ha kaba ia ki metiap jong ki la lapdien ha ka 6 tarik mynta u bnai na ki bynta ba pajih jong ka shnong Umpleng.

Lah ban kdew ba kine ki sawngut ki briew kiba la shah pyniap dusmon ki dei kiba la tip kyrteng kum u Nazar Kyndait (33) na Dkhiah East, u Ravi Rai (23) na Elam, Nepal bad u Rajesh Rai (26 snem rta ) na ka shnong Dharan Sunsari, Koshi Anchal, Nepal katba iaka metiap jong u uwei pat ym pat don satia ba kam haduh mynta.

Ha kaba iadei bad kane ka jingioh kem ia kine ki briew na ka liang ki pulit kim pat shym la pyllait ia ki kyrteng jong ki khnang ba kan ym pynthud ia ka jingtohkit.