Shah kem sa 3 ngut ki nong Nigeria na Dawki

Syllad | The Rising MeghalayaNovember 11, 2019

JOWAI: Ki Pulit jong ka Dawki PCP hadien ha kila ioh jingtip ba thikna kila ïoh ban kem ïaki lai ngut ki nong Nigeria katba ki ryngkang tuh sha poh u pud u sam ka Ri India haka 8 tarik une u bnai.

Kine ki lai ngut ki dei u Okafor Kelechukwu (22 snem), Okolie Desmond (24snem) bad Obilom Raymond (33 snem).

Haka jingtohkit ki ki Pulit jong ka Dawki PCP la lap ba kine ki lai ngut ki nong Nigeria ki don ïaki passport, hynrei ba ki visa pat kidei kiba leh thok. Halor kane ka jingiohkem ïa kine ki lai ngut la registered ïaka case ha Dawki PS katkum ka case no. 94(11)19 u/s 14 Foreigners Act R/w Sec 12(1A) (b) Passport Act bad ka jingtohkit kala iaid shakhmat.

U Superintendent of Police West Jaiñtia Hills District u Bah Lakador Syiem ula kyntu ia kino kino ki briew kiba don jingtip halor kane ka jingpyn ryngkang tuh iaki briew na Bangladesh sha Ri India ban pyntip mar mar sha ki thanad ba jan tam bad iaki nongpyntip yn burieh iaka kyrteng jong ki.