Shah kem sa u Solomon president ka HPDA halor ka jingshah kynnoh dawa pisa ha Ladrymbai

Syllad | The Rising MeghalayaMay 30, 2019

KHLIEHRIAT: U President jong ka Hynñiewtrep People Defence Alliance (HPDA) u Solomon Rymbai ula shah kem ha ki pulit halor ka jingshah kynnoh dawa pisa na ki dukan ha Khliehdupon, Ladrymbai.

Ïa une u Solomon la kem da ki pulit jong ka West Jaiñtia Hills District haka sngi Balang bad la aiti ïa u sha ki Pulti ka East Jaiñtia Hills haka juh ka sngi.

Nalor u Solomon kiba la shah kem hashuwa jong u ki kynthup ïa u Andrew Lamare bad u Teimiki Dkhar ba khot sin snieh khroh.

Kumban shu pynkynmaw ba kane ka jingshah kynnoh dawa pisa kane ka seng HPDA kala jia haka 3 tarik une u bnai ha kaba la kynnoh ba ki leit dawa pisa na ki dukan ha Khliehdupon Ladrymbai. Hadien ka jingujor ki trai dukan ki VDP shnong kila shimkhia ban buddien bad pynap shrip ïa u Andrew ha ka juh ka sngi.

Halor kane ka jingiohkem ïa u Solomon ki Pulit jong Ladrymbai kila ïoh jingbit na ka ïingshari ban tohkit bniah ïa u ar sngi lynter.