Shah kem sa uwei halor ka jingjia pynbthei bom IED ha Them Iew Mawlong

Syllad | The Rising MeghalayaMarch 23, 2024

Ki pulit ha ka 23 tarik mynta u bnai ki la ioh ban kem biang sa uwei pat u briew uba la shah suba donkti halor ka jingjia pynbthei bom IED kaba la jia ha ka miet 9 tarik mynta u bnai ha Them Iew Mawlong, Shillong.

U Superintendent of Police (SP) ka East Khasi Hills u Rituraj Ravi said u la ong, “Ngi la ioh ban kem sa uwei pat u dkhot uba saw hynne ka sngi Saitjain halor ka jingdonkti ha ka jingjia bthei bom. Ia une uba la shah kem na Umroi, Ri Bhoi District la tip kyrteng kum u Sansharbha Makdoh 24 snem rta.”

Watla katta u la ong ba ka jingtohkit halor kane ka jingjia ka dang iai bteng na baroh ki liang, bad haduh mynta ki la don sawngut kiba la shah kem.

Lah ban kdew ba ha ka 19 tarik mynta u bnai ki bor pulit ki la ioh ban kem noh ia u Namphyrnai Lyngdoh Peinlang 21 snem rta uba dei na ka shnong Peinlang na Mairang, Eastern West Khasi Hills bad wan lam noh sha Shillong ha ka sngi Nyngkong ba la lah. La kam ba une u dei u suba donkti ba hakhmat eh halor katei ka jingjia pynbthei bom.

Shwa kane, kata ha ka 11 tarik Lber ki pulit ki la kem noh ia uwei pat u rangbah uba kyrteng u Tarson Lymba 58 snem rta uba dei ruh u nongialam jong ka Seng HNYF napoh Dawki, katba ia u Ebakordor Nongpluh 26 snem rta la kem noh na Malki, Shilong hadien katei ka jingjia bthei bom ha Them Iew Mawlong.