Shah kem saw ngut kiba donkti dawa pisa ha ka kyrteng ki sengbhalang na nongbah Shillong

Syllad | The Rising MeghalayaOctober 26, 2023

Ki bor Pulit ka East Khasi Hills haka 26 tarik Risaw ki la ioh ban kem noh ia ka kynhun ki sawngut ki nongdawa pisa ha nongbah Shillong, kiba la pyndonkam ia ka kyrteng jong ki hynriew tylli ki seng trei kam bhalang ki bym pat ju iohsngew mynno mynno ruh.

Kine ki Seng kiba kane ka kynhun ka la dawa pisa ki dei kiba kyrteng ka Hynniewtrep People Defence Alliance (HPDA), ka United Khasi Movement (UKM), ka Federation of Khasi United People (FKUP), ka Confederation of Meghalaya People (CMP), ka Khun Hynniewtrep Youth Council (KHYC) bad ka Hynniewtrep Youth Region (HYR).

Na ka liang u Bah Vivek Syiem, Superintendent of Police (City) ka East Khasi Hills, u la ong ba hadien bala ioh khubor ha kaba iadei bad ka jingdon ki kynhun kiba dawa pisa ha ki jaka iew ha Police Bazaar bad Iewduh, ki bor pulit na ka tnat Special Cell ka East Khasi Hills kala pynlong ka jingpynap shrip mynta la bun bun sngi ha kine ki jaka iew, bad kila ioh kem ia 4 ngut ki briew na ki thain Khyndailad, Police Bazaar ha ka por ba ki dang sam shithi dawa pisa sha kawei ka dukan.

Na kine ki runar ki pulit kila ioh ruh ban kurup ia bun ki shithi dawa pisa, saw tylli ki mobile phone bad ka scooty Aprilla kab don ia u numberML05 Q 9828

Halor kane na ka liang u SP u la ong ba la register da ka Suo-Moto case pyrshah ia kine ki 4 ngut ki briew ha Sadar Police Station halor ki kam dawa pisa jubor.