Shah kem u briew ba donkti thang dusmon ia ki Scooty ha Jhalupara

Syllad | The Rising MeghalayaJanuary 2, 2024

Uwei u briew u la shah kem noh halor ka jingdonkti ha ka jingjia thang dusmon kaba la wanrah ka jingjulor ia kumba saw tylli ki kali ar shaka ha ka thain Jhalupra, Shillong.

U SP ka East Khasi Hills, u Bah Sylvester Nongtnger IPS hynne ka sngi ba Ar u la ong ba kane ka jingjia shah thang jong kine ki ar shaka ka la jia ha ka 28 tarik u Nohprah ba la dep ha ka jaka kaba don ia ka House No 70 JB. Cantonment, Jhalupara.

U la ong ba haduh sawtylli ki Scooty kiba don ia ki registration No. ML-05-A-2201, ML-05-R-1523, ML-10-A-3806, ML-05-N-7063 kiba pynieng ha katei ka jaka ki la kem ding bad julor.

Hadien ka jingujor FIR la rejistar case halor kane ka jingjia bad la pynlong ruh ia ka jingtohkit kaba bniah ha kaba la ioh ban kem noh ia u briew uba donkti ha kane ka jingthang dusmon ia kine ki kali bad ia ki dukan ba marjan.

Na ka liang une u heh pulit u la ong ruh ba la ioh ban kem noh ia une u briew hadien ka jingpynlong ia ka jingthwet kaba jur bad mynta ka jingtohkit ka dang iaid shakhmat khnang ban pynkloi ban pynngat kyndon pyrshah ia u.